تم ايقاف تسجيل الخروووج !!!

تم ايقاف تسجيل الخروووج !!!

تسجيل دخول...~


سجلت في قلبي دخولك على طول
وغنت جروح القلب فيكم نشيده
وكلمة مرورك جابها منك مرسول
وبدلتها وارسلت كلمه جديـده
واصبح ملفك داخل القلب معزول
وحفظت به من دم قلبي قصيده
وسويت لك تحرير عن كل مجهول
متوسـطٍ بين الخــفوق وريده
وقدمت لك عرضٍ من القلب منقول
لأجل اثبت انك بالضماير وحيده
وبمفضلة قلبي عن الغير محمول
مااضفت غيرك يالفتاة الفريده
وللخلف لو ترجع ترى الخلف مقفول
رح للأمــام وفك صفحه جديده
واكتب على العنوان للغير مشغول
حنا سكنا وارسـلي في بريـده
وان كان ودك تترك القلب مشغول
سجل خروج وشب فيني وقـيده
وان شفتني هالك على الدرب لاحول
اضغط على ايقاف وأقرا القصيده
واضغط على تحديث وتشوف مدلول
وكل الكلام اللي قريته تعيـده