جوه الألب ساكنه

جوه الألب ساكنه


انتي فاهمه حبي لعبه
ولا كلمه حلوه م الخيال
دانتي حبك حلم عايشه من زمان
صوره طبق الاصل منك
عارفه
لو تبادلي نبض قلبك ويا نبضي
كنتي عرفتي انك
انتي ساكنه بالصمام
سيبك انتى واسمعينى
مايهمكيش كتر الكلام
مانتى جوه الألب ساكنه
ادرى منى بيه وكاشفه
وانتى عارفه
الكلام.. من الكلام
يعنى عارفا الفرق
والحقيقه بصدق
ولو إختلف ف الدق
مايهمكيش الخلق
اكيد ف حالة عشق
ومحتاجه منه كلام
آم جاتله حالة خفق
فياريت بلاش اوهام
هايحب مين غيرك
دا فداكى واسيرك
شاورى وانا جيلك
وعلى شط بحرهواك
أنا ألبى مراسيلك
جايلك يغنييلك
ويكون قمر ليلك
ولو ضناه الهجر
منك…هايشكيلك
ويناجى رب السما
وليكي هايدعيلك