عايزة جوزك يحسسك بانوثتك ومش يخونك ويحبك ويدلعك ادخلي ومش هاتندمي

عايزة جوزك يحسسك بانوثتك ومش يخونك ويحبك ويدلعك ادخلي ومش هاتندمي

بصوا انا بعمل الحاجات دي لزوجي :
بلبسه جزمته
وشرابه
واقص ضوافره
وبحميه
وبشربه بايدي كتير
والمية بجبهاله يشرب
وبحلقله دقنه كتير
مافيش تعليه صوت عليه لاي سبب
مافيش تكشير في وشه
مافيش نخوره وراه مافيش شك
وقبل ما ينزل لبسه بيكون متظبط بايدي وكتير بلبسه
من لحظة ما بيدخل لحد ما يخرج لشغله بيحس انه ملك
الكلام دة بقاله 17 سنة بيتنفذ وربنا يارب يخليه ليا
ويدوم علينا الحب والسعادة
النتايج :
كل لما البسه جزمته يبوس ايدي ولما يكون جاي زعلان
الاقيه يقولي والله انتي اللي بتهوني عليا قرف الشغل والدنيا
يحب جدا يخرج معايا لاني عارف مش هانتقده بس هاوجهه
للصح
لما اكون بحميه وكميه الدلع اللي لا يمكن اوصفه
في اليوم علشان عمله كل الحاجات دي بقرب منه اوي وعيني
بتكون ادام عنيه بحس بيه اوي وبفهمه اوي ودة بيريحنا في عموم حياتنا
وبيخليني احس لما يكون مضايق او زعلان
لما يجي هموم الدنيا كلها في دماغه واغيرله هدومه بوسه
على خده واقوله ولا تشيل هم احس انه رااااق ونسي كل شيء ونفسيته بقت جميلة
وعنده استعداد انه ينسى اليوم بكل مشاكله
حتى لما اعمل حاجة تزعله من مووقف او تصرف مش بيرضى
يزعقلي مع انه عصبي جدا يمكن يكتم في نفسه لان وهو بيزعق اول ما يدخل مش
ببعد بردو بروح اقلعه جزمته وشرابه واغيرله هدومه الاقيه هدي ويقولي مش
تزعلي ويبتدي الدلع
كفاية انه بيقولي دايما انا لو جبت 100 ست علشان تقدر
تسعدني مش هايقدروا يسعدوني زي ما انتي بتسعديني
بيقولي انا راضي عنك دنيا واخرة
وكمان متكسفش اني اعمل دة ادام اخواته البنات ولا ادام
والدته ولا اهلي
بالعكس الكل في الاول كان بيقول اية دة كله بس الكل
بيحب بيتنا اوي وعاملينه بيت العيلة من الحب اللي فيه
مش هاقول مافيش مشاكل بس المشكلة مش بتقعد اكتر من
ساعة او اتنين وانا بكلمه بهدوء وفي نفس الوقت الزعل مش بيخليني ابعد عنه
ولا مش اخدمه لا بالعكس دة وقت الزعل بقرب اكتر
صدقوني كل حاجة بتدووووب

تقدري تخلي جوزك سي السيد
لو تقدري هاتكسي رجولة جوزك
هاتكسبي حب بلا حدود
هاتكسب دلع بلا حدود
هاتكسبي راجل عايز يحميكي بدمه
هاتكسبي راجل حاسس من جواه انه راجل وفخور بنفسه ان
مراته بتعمل معاه دة نفسيته حتى في العلاقة الحميمية بيكون واثق من نفسه
جدا لانه حاسس ان انتي شايفاه راجل اوي وبتعملي كل الحاجات دي لانه مخليكي
سعيدة معاه
هاتكسبي ان بناتك واولادك يشوفوا كمية سعادة في البيت
هاتخليهم مستقريين نفسيا

اوعي في يوم تقولي ادور وراه واشك فيه مافيش حد معصوم
من الخطأ

انا كتبت موضوعي علشان اقولكم ان سبب المشاكل ان الست
مش بتدي حاجة خالص لجوزها
وطول اليوم منكدة عليه وتعيب عليه وتزعق في وشه وتيجي
تقول الراجل مش عارفه ماله متغير عليا وبيبص لبرة وقرفان طول اليوم
ومابقاش يحبني وبتدخلوا النت كتير وووووو وتشتكيه لطوب الارض وكاشفه سره
ووو

حاولي تعملي اللي بقولك عليه دة جربي تكوني له كل حاجة
امه وهو طفل
عشيقته فرحه سعادته جربي تكوني له دنيته صلي معاه
فرحيه بيكي كوني صديقته التمسي له الاعذار جربي تكون السكن الحقيقي له في
دنيا سريعة كلها هموم

جربي تخليه سي السيد وهو هايخليكي اكتر ست في الكون
حاسه انها ست
انا قلت تجربتي لاني بشوف مشاكلكم كلها بسبب ان
كل واحدة مش عارفه دورها الحقيقي تجاه زوجها عايزاه بس
يكون راجل اوي ويحس بانوثتها ويدلعها وووو ويكون هادي معاها وناسيه انه لازم تحركي فيه انه راجل اوي وانه اجمل راجل في
الكون في عنيكي

جربوا وقولولي النتايج
دة سر سعادة بيتي وقولته مش علشان تحسدوني
اوعــــــــــــــــــــــوا
قلته علشان نفسي بجد تحسوا بالسعادة الحقيقية في بيوتكم



" منقول طبعآآآآآآ " لتعم الفائدة